الدورة المكثفة للايلتس

هل تحتاج مصدر واحد تبدا تجهز للايتس من خلاله؟ او تعبت تختبر الايلتس عدة مرات؟

تعلم التكنيكات وكيفية حل كل انواع الاسئلة في اختبار الايتلس. الدورة المكثفة للايتلس دورة تفاعليه اون لاين صممت لكي تجتاز الاختبار من اول مرة.

بقي على انتهاء التسجيل

اليوم(s)

:

الساعة(s)

:

الدقيقة(s)

:

الثانية(s)

اشتراك مدى الحياة

عشان تذاكر وانت مرتاح، لك الحرية في الاستفادة من الدورة مدى الحياة. سيمكنك دخول المنصة والاستفادة منها حتى لو بعد ١٠ شهور. لكن طبيعيا الدورة تقدر تخلصها في ٣٠ يوم او اقل.

تعلم بالتطبيق

سوف تقوم بتطيق ما تعلمته في الدروس خلال تدريبات تفاعلية تساعدك على تذكر ما تعلمته لكي تستطيع تطبيقه في الاختبار.

اسالني اي وقت

سأكون معك طول رحلتك في الايلتس .. وخلال قناة خاصة في التليجرام راح نكون على تواصل الين ما تحصل على الدرجة.

 

محاضرات مسجلة بالكامل تغنيك عن الالتزام بمواعيد

لكي تساعدك على المذاكرة بحرية اكبر

منصة الدورة يمكنك دخولها في اي وقت وباي جهاز (لابتوب، ايباد او الجوال) وستحتوي على جميع الدروس التي ستحتاجها لاجتياز اختبار الايلتس بحيث تم تسجيلها مسبقا خصيصا للدورة. وستحتوي على تدريبات تفاعلية تتاكد من فهمك للدروس.

دورة واحدة بدون تشتت

الدورة هدفها انها تكون المصدر الوحيد الذي سيوصلك الى الدرجة باذن الله.

تكنيكات + تدريبات + تطبيق عملي + طرق تطوير اللغة. كل ما شاهدته في السناب والتوير واليوتيوب، هذه الدورة تعتبر المنبع لكل ما رأيته مني.

 

استرجع مبلغك بالكامل اذا لم تستفيد من الدورة !!

ضمان استرجاع المبلغ اذا لم ترضى بالدورة خلال ٣٠ يوم الاولى

المرحلة الاولى:

مرحلة التخطيط

احتمال كبير انك كنت بتفكر كيف تجهز لك خطة مذاكرة قوية للايلتس تقدر تتاكد فيها انك قاعد تتحسن ومستواك بيتطور. صح؟ او حتى ممكن حسيت بتشتت شوي؟

لا تخاف انت مو لوحدك.

سواء كانت مستواك كويس، او حتى كنت في بداية استعدادك عشان الابتعاث، راح اوضح لك طريقة المذاكرة بالستخدام جدول الساعات. هذا النظام يساعدك تحط خطتك بواقعية بحيث توصل لهدفك وانت مرتاح. وبعد ما تكون حطيت الخطة لك في المذاكرة، راح تبدا في العمق للدورة المكثفة.

عشان أتاكد انك راح تنجح في اختبارك.. راح اتابع معاكم يوميا في منصة “ماراثون الايلتس” في التليجرام عشان نتناقش مع بعض ونكون مع بعض عشان نوصل للدرجة. هذي البداية اصلا لوحدها تعادل قيمة الدورة.

السلام عليكم اخ عبدالرحمن

أولاً يعطيك الف عافيه على الدورة المكثفة للايلتس. هي الدورة الوحيده اللي اعتمدت عليها

شكراً على دعمك وحماسك ونصائحك ❤️❤️..

سجلت في الدورة المكثفة وكان باقي ع اختباري 3 اسابيع. خططت كما شرحت في مقاطعك 4 ساعات باليوم ولكل مهاره اسبوع

كان مطلوب مني اجيب 5 ومستواي كان دون المتوسط مع ذلك مافقدت الامل وبديت بالدراسه من الدوره المكثفة .. يوم الاختبار طبقت كل النصائح بالضبط وخصوصاً في الريدنق اركز في القطعه الاولى والثانيه ، والثالثة اخر 3 دقايق >> الحمدلله خذت في الريدنق 5

و في الرايتنق اعتمدت ع القوالب التاسك 1 طبقت جميع القوالب وأخرجته بطريقه جميله جداً التاسك 2 جاني رأيي في احد المنتجات ، للاسف ماعرفت ايش نوع المنتج ( المصطلح جديد علي فماعرفته ) مع ذلك اعتبرته في مخي انه إيجابي وسلبي وعبرت بس بشكل بسيط ولا امداني الوقت >> توقعت اني درجتي تنزل مررره لاني مافهمت الموضوع لكن الحمدلله خذت في الرايتنق 5

والسبيكنق يوم الاختبار توقعت اني ماسويت زين ابداً وكنت متوقعه بيصير اقل درجة , لكن الحمدلله خذت فيه 5.5

توتل الدرجه الحمدلله 5

يعطيك العافيه اخ عبدالرحمن ع كل شي وشكراً على مساعدتك ودعمك لنا. الله يجعله في ميزان حسناتك يارب 🌹

أمل خليفة

المرحلة الثانية:

تعلم التكنيكات واسلوب الاختبار

افضل شيء في الدورة المكثفة للايتلس، انه انا ما راح اعطيك الدورة وبس، بالعكس راح اخليك تتدرب على كل “حته” في الاختبار.

راح تتعلم افضل التكنيكات لحل كل قسم في الاختبار – القراءة (بالخصوص) الكتابة، الاستماع، المحادثة.

جزء كبير من وقتنا راح يكون في “تطبيق” التكنيكات في اسئلة الاختبار. يعني راح يكون الكلام تطبيقي اكثر من مجرد قراءة وتجميع كلام نظري، وبعد التطبيق راح يكون دورك عشان تطبق الكلام اللي شفته.

راح تشوف شرح كثثثير من التطبيق في انواع الاسئلة اللي راح تيجيك: اسئلة الصح والخطا، اسئلة الفراغات، تحديد العناوين،،،، الخ. الخلاصة: انك ما تيجي في الاختبار وتتفاجأ بشيء غريب ما كنت اتدربت عليه. واكيد ما راح ننسى الاشياء الاساسية اللي هي التعرف في كل قسم وكيف راح تحتسب درجتك وايش الاخطاء اللي عليك تتجنبها.

السلام عليكم
حبيت أكتب تجربتي مع كتاب ودورة دليلك للايلتس. الكتاب مكمل أساسي للدوره
لانه فيه جدول تنظيم الوقت وفيه شرح للي يحب يقرأ المعلومه
أما الدوره متميزه بأنه المقاطع منظمه لكل قسم بالأضافه إلى عدم طول المقطع عن ١٥ دقيقه
بحيث يستطيع المتلقي كسب المعلومه بوقت قصير
طبعا للاجتياز في الايلتس وتحقيق أعلى الدرجات هو التدريب المستمر على الاختبارات
والكتابه
إذا كنت تحتاج أقل من ٥.٥ لاتحتاج لحفظ الكلمات الأكاديميه
وفعلا مع دورة الايلتس الحصول على ٥.٥ نص سهل جدا 💪
واتكلم عن نفسي بمستوى أقل من المتوسط
وجهد دراسه مده شهرين ثلاث ساعات يوميا تقريباً
شكراً أستاذ عبدالرحمن على كل ماقدمته لنا 😍

هدى السعدون

المرحلة الثالثة:

الحصول على الثمر

هذي المرحلة راح تطبق التكنكيات والنصائح اللي اتعملتها في الدورة المكثفة. راح تتاكد انك في الاختبار الفعلي راح يكون ادائك عالي وتبدا تتدرب اكثر واكثر.

راح تلاحظ انك تتحسن في ادائك مباشر خلال هذي المرحلة

راح تبدا بالاختبارات التجريبية من خلال المصادر الموثوقة اللي راح اعطيك في الدورة. وراح تبدا تحاكي الاختبار الفعلي من خلال هذي الاختبارات وتحاول جاهدا تطبيق ما تعلمته في المراحل السابقة.

راح اعطيك افضل موقعين للاختبارات التجريبية الموثوقة. ستوفر عليك هذا المصدرين العديد من الكتب وتعطيك الحرية في عمل اكبر عدد من الاختبارات والتعلم منها.

اسمع من المجربين

الحين كفاية كلام من عندي.. اسمع من الناس اللي دخلو الدورة.

كانت مذاكرتي خلال اسبوعين فقط واختبرت حمدلله واجتزت الاختبار بالدرجة المطلوبة مني ٤.٥ حقيقي كل شي مفصل و واضح عن الاختبار ولولا الله ثم أكاديمية دليلك للأيلتس ما كان قدرت اجتاز الإختبار بالدرجة المطلوبة مني.

عائشة بن عفيف

@aisha_binafif

اليوم طلعت نتيجتي في الايلتس كانت جدا مفرحه لي لاني بديت معك بالدوره وحددت لي هدف وبفضل الله ثم انت وصلت له اعجز عن شكرك. انا مجربه دوره الايلتس المكثفة، شهادتي فيه مجروحه كل خطوه تطبقهامن كلامه بتضمن تجيب الدرجه  القوالب كانت دعم قوي

اريج

حساب التويتر

أستاذ عبدالرحمن اشتركت بالدوره المكثفه وبصراحع كأن الشرح والترتيب على طبق من ذهب دوره ابداعيه وتعتبر  خساره للي ما اخذها فعلاً 😍❤️

SheldrenSmile

رابط التغريدة

⚠️⚠️ ما يمدي تقول انه ما حذرتك!

هذي الدورة متعمقة في الايلتس .. وراح تحمسك كثير.. هذي مهي بس دروس وخلاص! انا راح اجري وراك واتابعك الين ما تجيب الدرجة. ووقتها تكون انتهيت من الدورة (يعني الدورة تنتهي بحصولك للدرجة ان شاء الله)

ماذا ستحصل مجانا عند اشتراكك ..


 

اشترك في الدورة الان

تجربة مجانية

خذ راحتك وجرب الدورة اذا تحب
ريالمجانا/٠ ريال
ابدا الان بالدروس المجانية

او يمكنك الاشتراك في الدورة خلال تحويل بنكي

اسئلة شائعة

هل يجب علي متابعتك في وسائل التواصل (السناب، اليوتيوب، البيريسكوب، الخ)؟

سؤؤؤال مررة حلووو، يعتمد عليك كليا، اذا انت قاعد تكرف اصلا وتحتاج شوي تنويع في الحماس، او تحب انك تشوف الموضوع باسلوب اخر (لانه مافي شيء يخرج عن الدورة)، وقتها راح انصحك بشكل كبير انك تشوف السنابات واليوتيوب. اما اذا كنت مستعجل او لسه ما بديت كرف، انصحك انك ما تشتت نفسك وتركككز على الدورة كليا، وهي تغطي لك كل التفاصيل عن هذا الاختبار.

هل توجد اسرار في الدورة لا توجد في اي مكان اخر؟

لا. الدورة هي مركزة على التكنيكات اللي ساعدتني بشكل كبير في الايتلس وتطبيييق على اسئلة واختبارات تجريبية حقيقية. لا احاول اخفاء المعرفة من احد، لذلك حتى الان اتناول بعض التكنيكات في السنابات، البيريسكوب واليوتيوب ايضا.

كم مدة الدورة؟

الدورة راح تاخذ منك ٣٠ يوم او اقل اذا ذاكرت بمعدل ساعتين او اكثر يوميا. لكن الدورة من ناحية المحتوى موجوووودة دايما ويمكنك “البدء” في الدورة حتى بعد شهرين او الرجوع لها.

ما هو مستوى الدورة؟

الدورة مناسبة اذا كنت تنوي الحصول على درجة ٥.٥ الى ٧.٥ .. لن تتعلم جرامر واشياء حقت المعاهد! تركيزنا كله على التكنيكات والمهارات اللي راح تساعدك توصل للدرجة.

مستواي حاليا مرة مبتدئ هل الدورة تنفع لي؟

اول شيء احييك انك فكرت في الاختبار من اول وجهزت نفسك نفسيا له .. الدورة راح تكون ممتازة لك في هذي الحالتين: اذا اختبارك قريب وتحتاج درجة ٤.٥ او حتى ٥.٥، الدورة راح تكون جدا ممتازة لك. اما اذا كان هدفك كبير زي هدفي (٦ او ٧) الدورة تقدر تشترك فيها الان ولان الاشتراك في الدورة يكون مدى الحياة تبدا تركز على اللغة اكثر وتكمل في الدورة ببطئ مع تركيز اكثر في المهارات.

لا تستحي!

اذا عندك سؤال راح اكون انا والفريق بمساعدتك في اي وقت وباي وسيلة تواصل.

تواصل خلال تويتر